ኤዋንሲ (A1C)

የኤዋንሲን ውጤት በማየት ባለፈው ሶስት ወራት የደም ግሉኮስ ውጤት ስንት እንደነበረ መገመት ይቻላል። እነዚህ ቁጥሮች በቤትዎ ከሚለኩት የደም ስኳር ውጤቶች የተለዩ ሊሆኑ ይችላሉ። ምክንያቱም እርስዎ ጠዋት ሲለኩ በዛ ሰአት ያለውን የደም ግሉኮስ ያውቃሉ። ይህ በጣም ጠቃሚ ቢሆንም ከዛ ሰአት ውጭ ያለውን የደም ግሉኮስ መጠን አይነግርዎትም። ኤዋንሲ ግን በሶስት ወር ውስጥ በአማካኝ በደምዎ የነበረውን የግሉኮስ(የስኳር) መጠን ያሳያል።

በቤትዎ የሚለኩት የደም ስኳር መጠን፤ የሚመገቡት ምግብ፣ የሚያደርጉት የአካል እንቅስቃሴ፣ እንዲሁም መድሃኒቶች በየእለቱ በደም ስኳር ላይ የሚሳድረውን ለውጥ ያሳይዎታል። ኤዋንሲ በተመሳሳይ መልኩ፤ አጠቃላይ የሆነ የደም ስኳር መጠን ያሳያል። ስለዚህ ሁለቱንም ምርመራዎች እንደሃኪምዎ ምክር መከታተል ስኳር በሽታን ለመቆጣጠር ይረዳል።